أحلى ضحكه مصرية مع سمكه

صعيدي و امريكى و يابانى عرضوهم على جهاز كشف الكذب

اليابانى: إحنا بنفكر نعمل انسان آلى و نستغنى عن البشر ، راح الجهاز صقر..

الامريكى: احنا بنفكر نطلع المريخ و نعمل مستوطنات عليه، راح الجهاز صفر..

الصعيدي: إحنا (بنفكر) ولسه مكملش ،،،،،،،،،،راح الجهاز صفر

مرة واحد غبى جاله عقد عمل فى الكويت يوم السفر قاعد فى المطار

فالمذيع الداخلى بيقول على ركاب الرحلة رقم 550 المتوجهة الى الكويت التواجد بصالة الدخول واعاد ذلك مرة ثانية

فموظف المطار بيقوله يا استاذ رحلة الكويت هتطلع, فرد علية وقاله ياعم دول طالعين رحلة انا طالع شغل

صعيدي وامريكي الامريكى قال للصعيدي وصلتو فين بالتطور

الصعيدي رد وقال ياعم تطور ايه دا اححنا رجعنا لورا

ثم سأل الصعيدي الامريكي انتوا وصلتوا فين بالتطور الامريكي قاله احنا وصلنا

بالتطور اذا القمر الصناعى عطل في السما نقدرنصلحه الصعيدي فكر شويةوقل

يااااااااااااااه هو المفك بتاعكم طوله أد ايه
** أحلى ضحكه مصرية مع سمكه ** Icon_lol

واحدة ست راحت للدكتور قالته يادكتور إبنى مبياكلش كويس قالها طيب بيفطر إيه

قالتله ياعين أمه ياعين أمه بيفطر20بيضة بس قالهاطيب بيتغدى إيه قالتله ياعين

أمه ياعين أمه30فرخة بس قالها طيب بيتعشيه إيه قالتله ياعين أمه ياعين أمه ورك

خروف بس رد عليها وقالها ياعين أمه ياعين أمه كمان شوية ياكل الدكتور وأمه

مرة واحد اتخانق مع ابوة فسبلة البيت ومشى ابوة قالة رايح فين مردش علية وقام

موقف تاكسى وركب السواق قالة على فين قالة ازا كان مقلتش لابويا هقلك انتا

مرة واحد ركب دش فوق السطح فعلشان ماحدش يقرب منه من السكان بنى حواليه كوخ وقفله وقال للسكان

انا حاطط أسد في الكوخ ده فمحدش يقرب منه أحسنله ، السكان فضلوا خايفين يطلعوا السطح لحد مايوم

الشجيع بتاعهم طلع وراح فاتح الكوخ راح نازل جري ووشه أصفر السكان قالولوه ايه شوفته ، قالهم لأ أنا شوفت الطبق اللي بياكل فيه بس

قال لها : يمكن مكنش غني .. ولا عندي عربية ولا فيلا ولا مزرعة ولا شركه ولا

فلوس زي محسن صاحبي ولكني أعشقك واحبك .. فضمته ودمعت عيناها وقالت : إن كنت

بتحبني بجد .....عرفني على محســـــن

واحد ندل وواحد حرامي اتفقوا ان يعلموا بعض فالحرامي علم الندل السرقة وقال له علمني الندالة راح بلغ عنه البوليس

صعيدي قال لابوه عايز اجيب نوكيا قاله على الطلاق ما تأخذ غير بنت عمك

واحد صعيدى واقف قدامه خمس شياطين .... واحد يوسوسله و اربعه يفهموه
** أحلى ضحكه مصرية مع سمكه ** Icon_wink

مرة واحد عصبى ضرسه وجعه راح للدكتور

الدكتور قاله انت بتشكى من ايه قال له انت شايف الضرس ده

قاله ايوه قاله شيل كل الضروس الى حوليه وسيبه زى الكلب لوحده

واحد ندل جيرانه خبطوا عليه بالليل وقالوله ماتشربش مياه من الخزانات لانها ملوثة

دخل ينام فمراته بتسأله فى ايه قالها مافيش حاجة اشربة مياه و نامى

سألو واحد بخيل طحن: تعمل ايه لو الدنيا برد؟ قال:أروح جنب الدفاية.

قالو: ولو الدنيا بردت أكتر؟ قال:أقرب من الدفاية.

قالو: ولو بردت أكتر؟ قال: ألزق في الدفاية.

قالو: طب ولو نزل تلج؟ قال: أشغل الدفاية بقى وأمري لله.

واحد قبل ما يموت جمع ولادة التلاتة وحب يوصيهم يفضلوا ايد واحدة واعطى لكبيرهم عود خشب كسره بسهولة

اعطاه اثنين كسرهم بسهولة اعطاه خمسين عود كسرهم بسهولة قالهم طالما معاكم البغل ده مفيش خوف عليكم

شكرا شكرا شكرا ليك جدا جدا جدا على النكت الجميلة دى وشكرا على مساهمتك معانا وننتظر الجديد من المواضيع cheers

الموضوع جميل جدا والنكت جميلة

» *فى البحر سمكه* أغنية جميلة للأطفال